Ақмола облысы мәдениет басқармасының
«Мәлiк Ғабдуллин музейi» КММ
KZ RU EN
Қазақстан музей қызметкерлерінің І конгресі

27 қазан күні Астана қаласындағы ҚР Ұлттық музейінде өткен Қазақстан музей қызметкерлерінің І конгресіне М.Ғабдуллин музейінің қызметкерлері қатысып қайтты.

Ұлттық музейдің ұйымдастыруымен өткен жатқан іс-шараның мақсаты: қазіргі музей ісінің жетістіктерін, тәжірибелері мен нәтижелерін насихаттау, музей ісі мен музейлер қызметін заманауи бағытта ілгерілету, музейлердің ғылыми-зерттеу, мәдени-білім беру қызметін жетілдіру, еліміздің тарихи-мәдени мұрасын сақтаудағы музей рөлін дәріптеу және музейлер имиджін көтеру.

Конгресс аясында келесі ауқымды іс-шаралар ұйымдастырылды:

  • «Өзбекәлі Жәнібеков мұрасы және музей ісі» халықаралық ғылыми-тәжірибелік конференциясы;
  • «Өзбекәлі тағылымы» атты көрме;
  • «Музей заттарын қалпына келтіру және жаңғырту» атты семинар-практикум;
  • «Мәдени мұра» журналының 20 жылдығына орай шығармашылық кездесу.

«Өзбекәлі Жәнібеков мұрасы және музей ісі» халықаралық ғылыми-тәжірибелік конференциясына М.Ғабдуллин музейінің аға ғылыми қызметкері М.Жолаушина «Музей мәдени-ғылыми зерттеу орталық» және қор бөлімінің ғылыми қызметкері Ж.Қажыбай «Қор-музей қызметінің өзегі» мақалаларымен қатысты. Музей қызметкерлерінің баяндамалары «Өзбекәлі Жәнібеков мұрасы және музей ісі» халықаралық ғылыми-тәжірибелік конференциясының мақалалары жинағына енді. 

 

27.10.2023

Қараулар: 603

Барлық жаңалықтарды оқу

Акорда Қазақстан Республикасы Сыртқы істер министрлігі «БЖЗҚ» АҚ Antikor Государственные символыСайт города Кокшетау