14 желтоқсан күнi М.Жұмабаев атындағы облыстық әмбебап ғылыми кiтапханасы және Мәлiк Ғабдуллин музейiнiң бiрлесе ұйымдастыруымен Қазақстан Республикасы Тәуелсiздiгiнiң 30 жылдығына арналған «Тәуелсiздiк туы астында туғандар» атты телебағдарламалық форматта ток-шоу өттi.

Мақсаты: Әр сала бойынша елдiң дамуына елеулi үлес қосып жүрген, Тәуелсiздiк құрдастарымен кездесу және олардың өздерi таңдаған қызметте жетiстiкке жету жолымен бөлiсу;

Тәуелсiздiк құрдастарының өсу жолдары мен жеткен жетiстiктерiн өскелең ұрпаққа үлгi-өнеге ету;

Iс-шараға әр салада абыройлы қызмет етiп жүрген тәуелсiздiк құрдастары мұғалiм Айбек Бiрiмжанов, жеке кәсiпкер Бота Калиева және журналист Аманбаева Гульмира қатысты.

Қазақстан-Көкшетау телеарнасының тiлшiсi Абзал Балтабаевтың тiзгiндеуiмен өткен ток-шоуға қатысқан қонатар өздерiнiң өмiр жолдарын, әр сала бойынша Тәуелсiз елдiң дамуына үлес қосқан дәрежелi жетiстiктерi туралы баяндап бердi.

Iс-шара соңында Тәуелсiздiк құрдастарына алғыс хаттар мен естелiк сыйлықтар табысталды.

Ток-шоу «Тәуелсiздiк туы астында туғандар»