29 қаңтар күні Мәлік Ғабдуллиннің Батыр атағын алған күніне орай ҚР Қорғаныс министрлігі Шучинск филиалының әскери-техникалық мектебінде «Батырлық біздің салтымыз» атты танымдық сағат өтті.

Мақсаты: Мәлік Ғабдуллиннің болашақ ізбасарларын, бүгінгі күннің батырларын тәрбиелеуге атсалысу, әскерге шақырушыларға Мәлік батырдың өмірі мен шығармашылығын дәріптеу және оларды өз елінің патриоты болуға баулу.

Іс-шара аясында Мәлік Ғабдуллинің өмірі мен шығармашылығынан сыр шертетін «Ғажайып өмір баспалдақтары» жылжымалы көрме таныстырылып, «Отанды сүю – батырлыққа бастар жол» табырыбында дәріс оқылды. Сондай-ақ, көпшілік назарына батырдың елге келген сапарынан түсірілген 1943 жылғы деректі фильм көрсетілді.

Әскерге шақырушылар танымдық сағатта берілген ақпараттарды үлкен қызығушылықпен тыңдап, танымы мен тағылымы зор іс-шара ұйымдастырған музей қызметкерлеріне өз ризашылықтарын білдірді.