Бүгінгі жаһандану заманында еліміздің тарихымен танысып, мәдениеті мен әдебиетін түгендеп, тұлғаларын тануға қызығушылық білдіріп жүрген көпшіліктің бар екенін осы аптада музей табалдырығын аттаған көрермендерімізден көруге болады.

Қазақстанның өндірісті аймақтары Қарағанды, Қостанай, Петропавл, Павлодар қалаларынан келген қонақтарымыз әрі батыр, әрі ғалым Мәлік Ғабдуллин тұлғасымен танысып, музей жұмысына оң бағаларын берді.

Мәлік атамыздың туған жері Зеренді ауданы балалар шығармашылық үйінің тәрбиеленушілері мен Ақмола облысы бойынша педагогикалық қызметкерлердің біліктілігін арттыру институының тыңдаушылары танымдық, тағылымдық ақпараттар алып, ризашылықтарын білдірді.