Көкшетаудағы № 7 облыстық олимпиада резервiнiң мамандырылған балалар мен жасөспiрiмдер мектебi М.Ғабдуллин музейiмен тығыз байланыста. Биыл үшiншi рет Кеңес Одағының батыры, академик, жазушы

М.Ғабдуллинге арналған WKC каратэден "КАРАТЭ КИДС" атты бүлдiршiндер арасында М.Ғабдуллин жүлдесi үшiн Ақмола облыстық турнирi өттi. Оған Қостанай, Солтүстiк Қазақстан және Ақмола облыстарынан 115 жас спортшы қатысты. Жас бүлдiршiндердi жетелеп келген ата-аналар мен ата-әжелер жарыстың жоғары деңгейде ұйымдастырылғанына ризашылықтарын бiлдiрдi. Қазақ халқының даңқын биiкке көтерген жерлесiмiз, батыр, академик М.Ғабдуллин есiмi жыл сайын әр салада ұлықталып келе жатқаны, ерiн құрметтеген елдiң елдiгiнiң белгiсi!